ALKLOZAN-10%; 20%

Preparat tashqi ko’rinishiga ko’ra och kulrangdan jigar ranggacha mayda kristalli kukundan iborat.

Ta’sir etuvchi modda sifatida 1 g «Alklozan 10%» preparatining tarkibida 50 mg albendazol va 50 mg klozantel mavjud. 1 g «Alklozan 20%» tarkibida 100 mg albendazol va 100 mg klozantel mavjud.

Preparat polimer paketlarga 50, 100, 250, 500 yoki 1000 g dan, yoki polimer idishlarga 250, 500, 1000, 2000 yoki 3000 g dan qadoqlangan kukun holatida ishlab chiqariladi.

Preparatni quruq, qorong’i joyda, 0°C dan +30°C gacha haroratda saqlash lozim. Yaroqlilik muddati – 3 yil.

Preparat tarkibiga kiruvchi albendazolning ta’sir etish mexanizmi gelmintlarning uglevod almashinuvini buzishdan iboratbu ularning o’limiga va hayvonning organizmidan chiqarilishiga olib keladi. Preparat og’iz orqali ichilganda albendazol oshqozon-ichak tizimida tez so’riladi va a’zolarga va to’qimalarga kirib o’zlashadi; organizmdan asosan siydik va najas bilan chiqariladi. Ovotsid ta’siriga ega bo’lgan preparat yaylovlarning gelmintlar yuqishini kamaytiradi. 

Klozantelning ta’sir etish mexanizmi parazitning oksidlovchi fosforillash jarayonini to’xtatilishidan iborat. Preparatning o’ziga xos ta’siri ATF fermentini kuchaytirishdan iborat, bu esa fosforillash va elektronlarning o’tishi jarayonining to’xtashiga olib keladi, bu holat parazitning energetik metabolizmini o’limiga olib keladigan tarzda o’zgartiradi.

Preparatning tarkibiga kiruvchi albendazol va klozantel, sinergik ta’siriga ega bo’lib, kavsh qaytaruvchi hayvonlarning endo- va ektoparazitlari, shu jumladan trematodalar, nematodalar, sestodalar, jumladan benzimidazollarga chidamli parazitlar, shuningdek so’nalar lichinkalari va sarkoptoid kanalarining o’limini keltirib chiqaradi.

Issiq qonli hayvonlar uchun zaharliliga ko’ra preparat 4-xavflilik toifasiga kiradi – «kam xavfli preparatlari» (GOST 12.1.007). Davolaydigan dozasida teratogen, embriotoksik, mutagen ta’siriga va allergiya keltirib chiqaruvchi xususiyatiga ega emas.

Preparat og’iz orqali, individual yoki guruhli usulda, yem bilan aralashtirib beriladi. Preparat bir marotaba beriladiGelmintozlarda va so’nalar yuqishida «Alklozan 20%» hayvonning 1 kg tana vazniga 40 mg, «Alklozan 10%» hayvonning 1 kg tana vazniga 80 mg dozasida bir marotaba, individual yoki guruhli usulda, yem bilan aralashtirib beriladi yoki suvli suspenziya shaklida idishdan majburan ichiriladi.

 Qo’ylar psoroptozida preparat ikki marotaba 7 sutka oralig’i bilan, psoroptoz bo’yicha nomaqbul vaziyatli xo’jaliklarda profilaktika maqsadida preparat bir marotaba quyidagi dozalarda qo’llanadi: «Alklozan 20%» – hayvonning 1 kg tana vazniga 100 mg, «Alklozan 10%» – hayvonning 1 kg tana vazniga 200 mg.

Hayvonlarni gelmintsizlashtirishni yiliga ikki martayaylovga haydashdan ikki hafta avval va molxonada saqlashga o’tishdan avval o’tkazish maqsadga muvofiq.

Gipotermatoz, edemagenoz va estrozga qarshi hayvonlarga ishlov berish yozgi mavsum tugaganidan keyin o’tkaziladi. Psoroptozda qo’ylarni davolash yilning istagan faslida zarur bo’lganda amalga oshiriladi.

Preparat yirik qoramol, qo’ylar, echkilarni gelmintsizlashtirish uchun quyidagi kasalliklarda qo’llanadi: - fastsiolyoz, dikrotsiolyoz, moniyezioz, diktiokaulyoz, ostertagioz, gemonxoz, trixostrongilyoz, kooperioz, ezofagostomoz, edemagenoz; Preparat shuningdek yirik qoramolga gipodermatozda, qo’ylarga oestroz va psoroptozda ishlov berish uchun qo’llanadi.

Preparat tavsiya etiladigan dozalarda qo’llanganda nojo’ya holatlar kuzatilmaydi.

MAN ETILGAN HOLATLAR: Preparatning tarkibiy moddalariga yuqori sezgirlik. Organik xlorlangan va xlororganiparazitlarga qarshi preparatlar bilan bir vaqtda qo’llanmasinPreparatni qo’llash o’tkir fastsiolyozholatidahayvonlarni qochirish davridayuqumli kasalliklari bo’lgan va holsizlangan hayvonlar uchun ruxsat etilmaydi.

 Preparatni qo’llash shuningdek qo’ylar, echkilar va cho’chqalar uchun homiladorligining birinchi yarmisida, sigirlar uchun homiladorligining birinchi uchdan bir qismida ruxsat etilmaydiSuti kishilar ovqatiga ishlatiladigan sog’iladigan hayvonlar uchun preparatni qo’llash taqiqlanadi.

MAHSUS KO’RSATMALAR: Yoppasiga gelmintsizlashtirishdan avval preparatning har bir partiyasi avval hayvonlarning kichik guruhida(5-10 bosh) sinovdan o’tkaziladi. 3 sutka ichida asoratlar bo’lmasa, preparat barcha hayvonlarga beriladi.

Yirik qoramol va qo’ylarni so’yib go’shtni oziq-ovqat maqsadlari uchun ishlatish preparatni qo’llashdan keyin 20 kundan so’ng ruxsat etiladi.