SUPERKILLER-E

«Superkiller-E» (25% dispergirlangan suvli kontsentrat emulsiyasi) – piretroidli insekto-akaritsid preparat, : ta’sir ko’rsatuvchi modda sipermetrin – a-siano-3-fenoksibenzil-tsis trans-2,2-dimetil-3-(2,2-dixlorvinil) siklopropankarboksilat (empirik formulasi: C22H19O3NCl2). Tashqi ko’rinishi – oq rangdan sarg’ish malla ranggacha bo’lgan, o’ziga xos hidli moyli suyuqlikdir.
Preparat polimer idishga, 100-1000 ml gacha shisha idishga yoki 5-20 litrgacha plastik bidonlarda yoki 50-200 litr bo’ylab varaqlarda oldindan qadoqlangan.
Preparat zavod o’ramida, ehtiyotlik bilan (B ro’yxati) ombor xonalarida, oziq-ovqat mahsulotlari va yemlardan alohida, ochiq alanga manbalari va isitish asboblaridan uzoqda, xona harorati 25°С dan oshmagan holatda saqlash lozim.

Preparatning saqlash sharoitlariga rioya qilingan holda yaroqlilik muddati – ishlab chiqarilgan sanasidan 2 yil.

 

Preparatning komponentlari hasharotlarning nerv membranalariga ta’sir etadi, ionli kanallarni bloklaydi, va shu bilan nerv impulslarining normal o’tkazuvchanligiga to’sqinlik qiladi. Preparatning yog’li emulsiyasi ta’sir etuvchi moddaning tez ichiga kirishiga yordam beradi, bu esa parazitlarning o’limiga olib keladi.

Preparat saqlashda barqaror bo’ladi, suv bilan yaxshi emulsilanadi va och sut rangli emulsiyani hosil qiladi. Yaylov va qo’tir kanalari, bitlar, burgalar, pashsha va chivinlarning tuxumlari, lichinkalari va yetilgan hasharotlarga nisbatan faol bo’ladi.

Yirik qoramol, otlar, tuyalar, qo’ylar, echki va cho’chqalarning yaylov kanalariga qarshi kurash uchun, 15 ml «Superkiller-E» preparatining 18 l suvga nisbatida ish emulsiyasi tayyorlanadi. Hayvonlarga teri-tuk qoplamasining to’liq namlanmaguncha sepiladi. Hayvonlarga takroriy ishlov berish kanalar hujum qiladigan mavsum tugaguncha 3 hafta oralig’ida o’tkaziladi.

Qo’tir kanalariga qarshi kurash uchun yirik qoramol, otlar, tuyalar va cho’chqalarga 75 ml «Superkiller-E» preparati 400 l suvda suyultirilib, ish emulsiyasi sepiladi.

Qo’ylar va echkilarni qo’tir profilaktikasi maqsadida va kasallikka gumon qilinganda, 75 ml «Superkiller-E» preparati 830 l suvda suyultirilib, ish emulsiyasi sepiladi yoki 30 soniyadan 1 daqiqagacha unda cho’miltiriladi. Vanna 75 ml preparat 622 l suvda suyultirilib, ish emulsiyasi bilan to’ldiriladi. Qo’tir kanalari yuqishining og’ir holatlarida hayvonlarga 75 ml preparat 500 l suvga nisbatida tayyorlangan ish emulsiyasi sepiladi yoki unda cho’miltiriladi, hayvonning butun tanasi ish emulsiyasiga 30 soniyadan 1 daqiqagacha botiriladi. Bunda vanna 75 ml preparati 375 l suvda suyultirilib, ish emulsiyasi bilan to’ldiriladi.

Zarur bo’lganda ishlov berish 10 kundan keyin takrorlanadi.

Pashshalarni yo’q qilish uchun 50 ml preparat 10 l suvda suyultiriladi, chivinlarni yo’q qilish uchun - 50 ml preparat 20 l suvda suyultiriladi va ularning yig’iladigan joylariga tanlab sepiladi.

Molboqarlik xonalarida kanalarni yo’q qilish uchun ularni 50 ml preparatni 10 l suv bilan suyultirib, ish emulsiyasi bilan ishlov berish lozim. Xonalarga dori 1 m2 ishlov beriladigan yuzaga 200 ml ish emulsiyasi hisobidan sepiladi. Ishlov berishdan 2,5-3 soat o’tganda yem oxurlari va ichish moslamalari 3% kaltsiyli soda eritmasi bilan dezaktivatsiya qilinadi.

Hayvonlar ishlov berilgan xonalarga dezakarizatsiya o’tkazilganidan keyin kamida 3-4 soat o’tganidan keyin joylashtiriladi.

Xonalarni dezakarizatsiya qilishda, kanalardan tashqari, bitlar, burgalar, pashsha va chivinlar, shuningdek suvaraklar, o’rgimchaklar va boshqa hasharotlar o’ladi.

Hayvonlarga «Superkiller-E» preparatining suvli eritmalari (ish emulsiyalari) sepish yo’li bilan ishlov beriladi, buning uchun turli sepish uskunalari - DUK, VDM, ODN va 2,5-3 atm. lik suyuqlik bosimini ta’minlaydigan boshqa mexanizmlar, shuningdek statsionar dush kameralari ishlatiladi. Ish emulsiyasining harorati 15-25°C doirasida, hayvonlarga ishlov berish paytida havo harorati esa kamida 10°C bo’lishi kerak.

Yirik qoramol, otlar, tuyalar, qo’ylar, echki va cho’chqalarning yaylov kanalariga qarshi, qo’tir kanalariga qarshi, pashshalarni yo’q qilish uchun qo’llaniladi.

Hayvonlar zaharlangan holda (holsiz holati, so’lak oqishi, tez-tez siyish, nerv buzilishlarining alomatlari) teri ostiga quyidagi antidotlar kiritiladi: 1% atropin, 100 kg tirik vazni hisobiga 1 ml dozasida. Agar intoksikatsiya alomatlari o’tib ketmasa, atro-pin takroran xuddi shu dozada kiritiladi.

Hayvonlarni go’sht uchun so’yish ishlov berishdan 10 sutkadan keyin, sutdan oziq-ovqat maqsadida foydalanish - 2 sutkadan keyin ruxsat etiladi.